ग्लोबल टी-२० : सन्दीप र दीपेन्द्रको टोली भ्यानुकरको पहिलो जित

काठमाडौं । सन्दीप लामिछाने र दीपेन्द्रसिंह ऐरी सम्मिलित भ्याकुनर नाइट्सले ग्लोबल टी-२० क्यानडामा पहिलो जित दर्ता गरेको छ ।

आइतबार भएको खेलमा भ्याकुनरले मोन्ट्रेयाल टाइगर्सलाई ५ विकेटले पराजित गर्‍यो ।

टाइगर्सलाई १०९ रनमा रोक्न मोहम्मद अमिरले ३ विकेट लिए ।

यस्तै सन्दीप लामिछानेले २ विकेट लिए । ३ दशमलव २ ओभर बलिङ गरेका उनले १४ रन मात्रै खर्चिए ।

हर्स ठाकुर र ड्वन प्रेटोरियसले पनि २-२ विकेट लिए ।

भ्याकुनरले ८ बल अगाडि नै जित निकालेको हो । उसका लागि रिजा हेन्ड्रिक्सले ३९ रन बनाए ।