बलात्कार आरोपमा पक्राउ

काठमाडौं । प्युठानमा बलात्कार आरोपमा एक युवकलाई प्रहरीले पक्राउ गरेको छ । पक्राउ पर्नेमा मल्लरानी गाउँपालिका–२, नाकेटाकुराका १९ वर्षीय केशव घर्तीमगर छन् ।

सात वर्षीया बालिकाको बलात्कार गरेको उनीमाथि आरोप छ । बुधबार (हिजो) दिउँसो उनलाई पक्राउ गरिएको प्रहरी प्रधान कार्यालयले जानकारी गराएको छ ।

महिलाको बलात्कार आरोपमा पक्राउ
पाल्पामा ६६ वर्षीया महिलाको बलात्कार आरोपमा प्रहरीले एकजनालाई पक्राउ गरेको छ । पक्राउ पर्नेमा पूर्वखोला गाउँपालिका–१ का ४७ वर्षीय धनबहादुर कामी छन् । बुधबार साँझ उनलाई पक्राउ गरिएको प्रहरीले जनाएको छ ।

किशोरीको बलात्कार आरोपमा पक्राउ
पाल्पामै १६ वर्षीया किशोरीको बलात्कार आरोपमा एकजनालाई प्रहरीले पक्राउ गरेको छ । पक्राउ पर्नेमा तानसेन नगरपालिका–७, कुन्सरेका ४३ वर्षीय इन्द्रवीर झेडी छन् । बुधबार राति उनलाई पक्राउ गरिएको प्रहरीले जनाएको छ ।