खामेनीको सम्झनामा तेहरानमा आजदेखि तीनदिने कार्यक्रम

तेहरान । इरानका दिवंगत सर्वोच्च नेता आयातोल्लाह अली खामेनीका समर्थकहरूले आज राति तेहरानमा तीनदिने स्मरण कार्यक्रम सुरु गर्ने भएका छन् ।

इरानी समाचार संस्था तस्निमका अनुसार कार्यक्रम स्थानीय समय अनुसार राति १० बजे तेहरानको ग्रान्ड मुसल्ला प्रार्थना हलमा आरम्भ हुनेछ । रिपोर्ट अनुसार कार्यक्रममा देशभरबाट समर्थकहरू सहभागी हुने अपेक्षा गरिएको छ । खामेनीको अन्त्येष्टिबारे विस्तृत कार्यक्रम भने चाँडै सार्वजनिक गरिने बताइएको छ ।

यसअघि पनि इरानका विभिन्न शहरहरूमा खामेनीको स्मरणमा ठुलो भीड सडकमा उत्रिएको र शोकसभाहरू आयोजना गरिएको तस्निमले जनाएको थियो । -एजेन्सी