जेलबाट निर्वाचन लडिरहेका अमृतपाल सिंह ६३ हजार मतले अगाडि

नयाँ दिल्ली । पञ्जाबको खादुर साहिब लोकसभा सीटबाट स्वतन्त्र उम्मेदवार अमृतपाल सिंह अगाडि छन् । भारतीय निर्वाचन आयोगको वेबसाइटका अनुसार बिहान ११ः२० बजेसम्म अमृतपाल सिंहले १ लाख ५३ हजार ५८९ मत पाएका छन् । दोस्रो स्थानमा रहेका कांग्रेसका कुलवीर सिंह जिराले ८९ हजार ६५४ मत ल्याएका छन् । निर्वाचन आयोगका अनुसार कुलबीर सिंह भन्दा अमृतपाल सिंह करिब ६३ हजार मतले अगाडि छन् । अमृतपाल सिंह जेलबाट चुनाव लडिरहेका छन् । पञ्जाबमा १३ सिटको कुरा गर्दा कांग्रेस ६ सिटमा अगाडि छ भने आम आदमी पार्टी ३ सिटमा अगाडि छ । शिरोमणि अकाली दल दुई सिटमा अगाडि छ भने अरु दुई सिटमा स्वतन्त्र उम्मेदवार अगाडि छन् ।