श्रीमानको खुकुरी प्रहारबाट श्रीमती घाईते

काठमाडौँ । श्रीमानको खुकुरी प्रहारबाट श्रीमती घाईते भएकी छन् । बागलुङ नगरपालिका–२ का ३५ वर्षिय अर्जुन बहादुर सार्कीले ३२ बर्षिय श्रीमती गिता आलेलाई बुधबार राती खुकुरी प्रहार गरी घाईते बनाएको जिल्ला प्रहरी कार्यालय बागलुङका प्रहरी नायव उपरीक्षक विजय यादवले जानकारी दिए ।
घरायसी विवादका कारण सार्कीले श्रीमतीलाई खुकुरी प्रहार गरी घाईते बनाएको यादवले बताए ।

घाईते आलेको धौलागिरी अस्पताल बागलुङमा उपचारपछि थप उपचारको लागि पोखरा रिफर गरिएको छ । घाईते आलेको अवस्था मध्यम छ । खुकुरी प्रहार गर्ने सार्कीलाई प्रहरीले बुधबार राती नै पक्राउ गरी थप अनुसन्धान गरिरहेको यादवले जानकारी दिएका छन ।