माओवादी नेता बैङ्किङ कसुर मुद्दामा काठमाडौँको अनामनगरबाट पक्राउ

काठमाडौं, ९ असोज । बैङ्किङ कसुर मुद्दामा कैलालीका एक जना काठमाडौँमा पक्राउ परेका छन् । पक्राउ पर्नेमा नेकपा माओवादी केन्द्र घोडाघोडी नगर कमिटी अध्यक्ष तथा राष्ट्रिय माध्यमिक विद्यालय सुखडका व्यवस्थापन समितिका अध्यक्ष खगेन्द्र हमाल रहेको बताइएको छ ।

अनामनगर प्रहरी वृत्तले उनलाई असोज ३ गते पक्राउ गरिएको जानकारी दिएको छ । काठमाडौँ जिल्ला अदालतले बैङ्किङ कसुर मुद्दामा कैद र जरिवाना सहितको फैसला सुनाएको थियो ।

अदालतको फैसलापछि फरार रहेका हमाललाई काठमाडौँ लुकिछिपी बसेको अवस्थामा महानगरिय प्रहरी वृत्त, अनामनगरको टोली नियन्त्रणमा लिएको अनामनगर प्रहरी वृत्त काठमाडौँ प्रहरी नायब उपरीक्षक (डिएसपी) चक्र बहादुर शाहले जानकारी दिए । आफ्नो खातामा पर्याप्त रकम नहुँदा नहुँदै हमालले ४५ लाखको चेक काटेको बुझिएको छ ।